ما عاد أحبك لو تعلقت تعليق..فـ غصون قلبي واحضنتك المحاني - عوض الحربي

يا جارح(ن) قلبي وملزمني اضيق
ما ابيك تجرح ما لفاني كفاني

من بعد جرحك ودي انام ما افيق
انام كل العمر ما اصحى ثواني

من اول إليا شفتك انسى بك الضيق
واليوم شوفك مايحرك كياني

اغص يمكن إني اغص فالريق
لامر ذكرك في مواقف زماني

خلك بدربك والمشاعر مطاليق
في جوها تصرخ وعبر لساني

اي والله إني معك يا بنت ما اطيق
اجلس لو إن الحب يمك دعاني

ما عاد احبك لو تعلقت تعليق
ف غصون قلبي واحضنتك المحاني

الوقت يصفقني وزودت تصفيق
في صورتي غابت جميع المعاني

والحظ في رجواك مافيه توفيق
والحلم في شوف الأمل ماحماني

خلاص انا نايم ولا ظني افيق
بنام كل العمر ما اصحى ثواني

© 2023 - موقع الشعر