وين انت ياللي عقبك البال منضام
والروح تشكي من فراق ٍ دمرها
عام ٍ مضى في حبكم كله أحلام
من حلوها تقفي و أضيع أثرها
واليوم فرقاكم علي كنها أعوام
يا ويل عيني من ليالي سهرها
هموم تلعبي وتعصف بي أوهام
والعين مشتاقه حبيبٍ هجرها
شوقٍ نزفته جفف احبار الاقلام
ودمعٍ سكبته من عيوني صهرها
وينك بغيبتك حزنها دام
وينك تسلي روح ملت كدرها
أبيك يا جرح ٍ تعلقت به عام
أبيك عوّد هم روحي قهرها
بكيت من بعدك ونكست الأعلام
عيني غزير الدمع لجلك غمرها
الحزن يقتلني على مر الايام
لو طولت جالك خبرها
اجنبت يوم اني تمنيتك الشام
هانت عليك العين وانته نظرها
نثرت لك دمي على روس الأقلام
وحضن الورق ضم الحروف ونشرها
حبيب عمري سيدي فيك ما انلام
تفداك روحي يوم حبك اسرها
فدوة عيونك حزن قلبي والالام
وتفداك روح ٍ حبتك يا قدرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.