الحزن - الحارث بن وازع الحاشدي

يالحزن قرّب تعال حياك من بين الضيوف
إشرب أفكاري وضحكي دون شك ودون خوف

إقتل الإحساس فيني وأدفن القلب العطوف
حي بالأحزان والهم والصفة شخص ٍ قتيل

دمر الآمال خلها شيء ما يوصف فظيع
وأطف لي شمع ٍ ضويته وأقطع الخيط الرفيع

ماني مهتم في حياتي تايهة ولا تضيع
كلما مافي الكون كله باكي ٍ ولا هزيل

أكل الفرحة سموم ٍ وأسقها دمع ٍ غزير
وأملىء الآبار دمّ ٍ وأكسها لبس ٍ حرير

غيّر الذكرى السعيدة ذكرى أحزان وهجير
وصعّب أدروب المحبّة زود درب ٍ مستحيل

بالبسك يالحزن ثوب ٍ بالبسك كم وقميص
وببني أمجادك رخام ٍ غالي ٍ ماهو رخيص

رصص الأيام والأعوام في شيبي رصيص
مابقى منها سنيني غير أحلام ٍ قليل

© 2022 - موقع الشعر