الخيانة

خنت الوفاء خنت الأمل خنت الأغاني والجُمل
خنت الحنان كل الحنان يلعن أبو قلب ٍ يبيك

همي الكبير زايد خطاك والناتج الحزن إكتمل
يعني بلا ناقص وضرب قسمت قلب اغلى شريك

من بعدما كنت الشعور والشوق فيني اللي ارتحل
وكل الأماني والحضور لك روحي كانت تحتريك

كنت أوصفك نور القمر وشوف العيون اللي اشتمل
ع الحب روعة له وفية فية الحياة اللي اتعنيك

مسكين قلبي كم عطاك ما يوم في عمره بخل
عطاك ماتملك يديه وأحلامه صارت في عنيك

لكن أسف بعتة رخيص وغيري لقى ابقلبك محل
لني فقير أو ما أُجيد الكذب أغازل ناظريك

حالك تغير وأشتهرت في مظهرك يُضرب مثل
بالأمس كان حالك حزين واليوم رافع حاجبيك

صدقني باترجع كسير يامن بظلمة ماعدل
تقول سامحني خطيت وتمد لي كلتا يديك

لكن بتسمع كلمتين ماغيرهم تلقى بدل
بتصيح وتبكي لك ليال بيدك بتصفع وجنتيك

إرحل خلاص أنا لك نسيت وإن كان بك إيّة زعل
ماهمني بك دمعتك غلطان من جاء يشتريك

الله لا يسامحك أبد ويجعل حياتك في ملل
ويجيب لك شحص ٍ بدل يضحك ويتلاعب عليك

خلاص بنهي قصتي وأداوي قلبي اللي إنقتل
وأبدي حياتي من جديد ولا تجيني ولا أجيك