أنا المجروح - الحارث بن وازع الحاشدي

من أول ما بديت أسأل عن الدنيا ومافيها
خطر في بالي الماضي سنين ٍ ضاع شاطيها

عرفت إن العمر رحلة وهالرحلة معانيها
ديار الجرح في قلبي نزيف الدم ساقيها

أعاملهم بكل طيبة وبالقسوة يردوني
ولا مني حجيت الحق يذموني يسبوني

أنا أمسح دمعهم دايم وهم دايم يبكوني
ألا يالله يارحمن تعين النفس وراعيها

أحاول أكتم العبرة تجود العين عبراتي
أغمض عيني وأحجبها ولكن دمعها فاتي

ألا يادمعها عيني ألا يا كثرة آهاتي
سحاب الهم في جوي عظيم الريح عاتيها

ياحرف الحزن علمني علوم الوقت والأيام
إنسج لي بكلماتك سطور الجهل والأوهام

هل الكابوس هو كابوس؟ هل الأحلام هي أحلام؟
غريبة كلها أحلامي كوابيس ٍ أرى فيها!

أنا المجروح ياقلبي من سنين الصغر مجروح
تجاملهم بضحكاتك وداخلك الآسى مفضوح

كبير الجرح قد صرّح يشيد في حشاك أصروح
غصب باترضى بالواقع لأنه قد بنى فيها

© 2024 - موقع الشعر