مرحباً عداد مالاح برق(ن) في مخيل
ومرحباًعداد ماهب نساس الشمال
مرحبا ترحيبة(ن)بعدها بن وهيل
با الرجال اهل المراجل كريمين السبال
قالها اللي يبدع القاف والبيت الجزيل
اجتهد وتعب على بدع الامثال الجزال
احبك ابيوت القصيده ولا جيب الهزيل
ونقد ابيوت القصيده كما نقد الريال
يا بنات الفكر هاتي لو الشي القليل
قالت الامثال ماقل دل ابلاجدال
ويوم كل(ن)راكب له على احصانٍ اصيل
فنا احصاني الساني بهذا الاحتفال
الرسول المصفى قد امرنا والدليل
علم ابنائك على الخيل مع رمي النبال
ومن قديم الخيل والبل لها قدر(ن)جميل
حبها في قلوبنا مساوي(ن)حب العيال
ومن قديم محافضينً على العرق النبيل
حيثها عز(ن)وتفخربها كل الرجال
عاديات ان شبو النار في خشم الفتيل
لاعتلينا اضهورها نارد العد الزلال
ونلطم العايل وناطى على من هو يعيل
ودارنا حامينها من جنوب ومن شمال
فوق قب(ن)مسرجات لها عج وصهيل
سابقات (ن)كاملات(ن) ولله الكمال
مقبلات مدبرات كما حيودً بسيل
لاحذفها السيل ثم جات من رووس الجبال
وحن هل البل من قديم وهل سيفً وخيل
يشهد التاريخ فعل(ن) قديم ولايزال
يشهد التاريخ يوم لنا بوادي عقيل
يوم جلينا اعدانا وفيه الدم سال
لابتي هم لاد زايد مزبنة الدخيل
قوم عز(ن)من قديم فعايلنا جزال
جارنا نوفي حقوقه ولانخون العميل
وضيفنا انقدم له الحيل مع صفر الدلال
والكرم طبع(ن)لنا ماذكر فينا بخيل
فالشدايد نرخص المال مانشح الريال
والخوي انشيل حمله ولو حمله ثقيل
ولازبنا يشكي الهم عنه الهم زال
يشهد جريس اليماني على فعل الجميل
يوم جانا يشكي الدين وهوم اليال
والخوي يشهدلنا في نهار(ن)كنه ليل
بيوم حرب وموتر الشمري صابه عطال
وقام ينخى خبرة(ن)ماذكر فيهم ذليل
يوم شاف الوقت ضده وشاف الحظ مال
فككوه الاد زايد وشالو الحمل شيل
ونقذوه اهل المراجل عريبين الخوال
ولابنينا سور حامي على صفر النخيل
سورها البارود لشهب معى بيض السلال
ونحمد الله اليوم في ضل مروين الصقيل
اسرة(ن)تحكم بشرع الولي جل وتعال
المواطن عاش بامن عقب قتل وقتيل
جل شان مبدل الحال من حال(ن)الحال
كلبونا صف واحد ولا يمكن نميل
ما تغيرنا اليالي ولا قيل(ن) وقال
حافظين عهد الجداد جيل(ن)بعد جيل
والولا معقود معهم كما عقد الحبال
والوطن باالامن ماله شبيه ولا مثيل
الوطن نفديه بارواحنا وقت القتال
فياالله المعبود يالخالق الباري الوكيل
ياعضيم الشان يامنشي حقوق الخيال
احفظ القايد ويالله عسى عمره طويل
ابو متعب عزنا قايد(ن)حكمه عدال
والله انه فزعة اللي على الدنيا عليل
تشهد الايتام دمع(ن) على الخدين سال
قايد(ن) وقت الشدايد لنا ظل(ن)ظليل
والله انا محزمه لاضرب جال(ن)بجال

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين