يوم الوطن فرحته عمت وطنا - مفرج ناصر جنبان المخاريم

يوم الوطن فرحته عمت وطنا
ذكرى تذكرنا براعى الفتوحات

اللي فعوله فالكتب ورخنا
يشهد بها التاريخ في كل الاوقات

عبد العزيز اللي حكم بالمحنا
غصبٍ على العدوان فوق الاصيلات

من هيبته رووس الاعادي اخضعنا
واللي خضعها اسيوف هندٍ صقيلات

حكم بشرع الله وبامنه ومنا
ومن بعد حكمه زال عصر الخلافات

وزال الجهل والضلم والخوف عنا
ووحد اشعوبٍ كانت منول اشتات

وساد الامن بارجاء وطنا وغنا
الطير من فوق الغصون الضليلات

وخلف ملوكٍ ما خلفو كل ضنا
ابعدلهم وبطيبهم كنه ما مات

ال السعود مزبنين المجنا
همه هل العوجا ولا به مروات

شرب المصايب شر ب فنجال بنا
لا ثارت الهيجاء ما هابو المنيات

حكامنا ال سعود فينا ومنا
نفخر بهم مروين حد الرهيفات

واليوم قايد مملكتنا بطلنا
عبدالله اللي له فعولٍ عضيمات

خادم بيوت الله بضله سكنا
القايد اللي له مفاخر وطولات

وولي عهده ذخرنا لا حدنا
غبر اليالي شال عنا الثقيلات

سلطان غيث الشعب خيره شملنا
اليا عطى يغني جزيل العطيات

يقود جيشٍ متقنن كل فنا
مخلص وله فالحرب صوله وجولات

اعلامنا بيماننا رفرفنا
مرفوعةٍ بالنصر فوق المنيفات

اليا دعونا فالقساء ما نتونا
نجي نلبي ما نحسب الخسارت

لهم الولا منا وذا سلم اهلنا
معقود معهم من سنينٍ قديمات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر