الشعر له موقف أفعال الرجال الجليله - ماجد الرشدان

الشعر له موقف وموعد وله دور
يوثق افعال الرجال الجليله

يبرز فعول الطيب ويكذب الزور
ويجسّد الواقع ويكتب دليله

وأنا زهيت بقاف شعري على بحور
بحر الخليل اللي مرادي خليله

يزها بها وردٍ من الطيب منثور
لهل الفعول الطيّبه والجزيله

شرواك ياللي لك وفا الفعل ماثور
فعلٍ يكفي عن كثيرة قليله

نصرت فعلك وأصبح الفعل منصور
في سيرةٍ تحمل صفاتٍ جميله

يا (ناصر محمد) لك الراي مقدور
لا عجز غيرك فالمواقف يشيله

تسهلك الصعبه ويفخر بك الشور
وبك تقتدي حتى العقول الدليله

الصعب في يمناك سهلٍ وميسور
لك ينحني والا أنت ما تنحنيله

يا سيّدي من جاك ضايق ومقهور
أزحت همه في يديك النبيله

مواقفك.. فعايلك شكّلت سور
ورأيك شموخه ما يفارق نخيله

وافي مع العالم ولا جيت بقصور
يا ابن الشيوخ الوافيه والأصيله

لك دور.. أي والله لك فالوطن دور
يمناك لجل الدار ما هي بخيله

سياسي محنك وفاهم ودكتور
والراي يلجابك ويلقى سبيله

فعلك وطن وإحساسنا فيه جمهور
وطيبك معاك يعيش أحسن وسيله

وثقة سمو أميرنا فيك دستور
تقدير لإخلاصك وهذا حصيله

قرار منه الشعب راضي ومسرور
لأنك مثال العدل ما فيك ميله

الله يمد بعمرك سنين ودهور
وتبقى لنا ذخر السنين الطويله

باسمي وباسم الشعب بقول مشكور
شكراً صباحه محتضن كل ليله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر