بعض المواقف - سعد الشقحاء

الخاطر اللي من زمان المصلحه والهرج طاب
ماله بهالدنيا عميل ولا نصيباً يتبعه

دام الزمان اصبح طريقاً يوصلك بابالعذاب
الله ولا وقتا ًتجي فيه الاساءه منفعه

بعض المواقف ترهقك والفايده منها عتاب
ترخص لها جهدك ومالك والثناء ما تسمعه

الشيب علمني وليته قالي وانا شباب
ان الردي يبقى ردي لو عشت عمرك ترفعه

الطيب فعل ولا يجي بالهرج يا شين الجناب
وانته علومك بالردى كبر الجبال مصلعه

العظم يستره اللحم والجسم تستره الثياب
والمال ستراً للوجيه ودون وجهك تدفعه

الرجل لا من صار ما يحسب لمنطوقه احساب
الناس ملت جانبه واصبح قريبه يقطعه

من راح عمره ما جمع من دنيته اجر وثواب
ما ضنتي ينفعه جاه ولا ريالا يجمعه

© 2024 - موقع الشعر