بعض المواقف غشامه

ياصاّحبي بعض الّمواقف غشامه
لاتدعي صدق الغلا .. ونت كذاّب

لان الوفا باالحب ذروة سنامه
بالطيب والتقدير .. ماهو بمشعاب

ماتخاف ربك ياحبيب اللثامه
ونا احسبك مفتوح لي كنك اكتاب!!!

خيل الحقيقة من يحاول لجامه
يثير حوله شبهتن مالها باب

ومن يتبع أهل الخنفسه والرخامه
تحتار في وصفه قبيحات الالقا ب

الله من همن سرابي غمامه
من فايض الاوجاع بالدمع سكّاب

ياهاجسي لو كان وادي تهامه
من دمعي الاحمر غدا كف وخضاب!!!

مشاعرن سالت ومامن سلامه
لاحرف يغني للمشاعر والاطناب ..

رمشن كساه الموت الاحمر عمامه
ورمشن وقف ياعم تلعات الارقاب

يفوح لك عطر الوله من خزامه
يتوه في عشقك مولع ولا تاب

باقي من الجسم المعنى حطامه
ياكاتب امن الكذب قصه للأغراب

تكفى وذا باقي بقلبك شهامه ...!!
لا. . لا .. تحد الناب ياصاحب الناب

أنا الكسير اللي تهاوت عظامه
ونا الاسير اللي عشق ظلم الابواب

ونا القصير اللي ذبح من عمامه
تلوّع من الظلم .. من غدر الاقراب

نوّخ بعير الصبر واحرق خطامه
ثبت على شهب الفضا فوق مرقاب

مرقاب يرقونه رجال الزعامه
اللي لها بالوقت بصمه ومضراب

ناسن لها فيض الوفا واحترامه
ينشب لها في منحر العز مخلاب ..!!

اوااااااه من وقتن كثيرن كلامه
لوكان مالي عنه مخرج ومجناب ..

يزود به عمر الردي والهلامه
بحاول انسى الشعر وأنسى الكتابه