قالت : اكتبني قصيده .. وابتسم وجه الخيال
وابتدى سحر القوافي ينظم اغلى سلسله !!
وسْجدت كل الطلاسم تحْت آيات الدَلال
وانفتق صدر المعاني .. وابتديت الأسئله:
ما سمعتي شاعر عْيونك لعينك يوم قال:
( فيك لذّات المعاني ) .. والحروف المذهله ؟!
لعنبو ابليسك انا اللي موتي بعْيونك حلال !!
كيف ما خِطّك قصيده يوم جيتي مقبله ؟!
في عيونك .. شفت موت ٍ كنّه يْنادي : تعال
هو مماتي في عيونك ؟؟ زلزليني زلزله !!
ذوّبيني في دَلالك .. أغرقيني بالوصال
واسأليني : كيف حبّك صار أحلى مشكله ؟!
أكثر جْنوني بحبّك فاق معيار الهبال
جن ّ عقلي في غرامك .. كن مالي به صله !!
والله انّي كنت صاحي لين ما شفت الدِلال
يوم صبّيتي وصالك في فناجيل الوله !!
كم ضحَكْت وكم بكيت وكم شكيتك لليال
فوق صدر ٍ للمعاني بالليال الأوّله !!
بكتبك لآخر حِدود الشعْر وحْدود الخيال
لين اقدّم لك حياتي كلّها متسلسله .. !!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.