صدت نظرها

لـ ، ، في غير مُحدد

وش هو دوا نفس(ن) صويبة بالأشلاف
مصابها من عشقت(ن) مااعشقتها
تبرمجت في جوفها كل الاوصاف
وكنها امام العين لام اوصفتها
روح(ن)هوت ياصاحبي مالها انصاف
سنينها يا مسندي ماانصفتها
تلوعها وهمومها حولها احواف
حوفت سراحين(ن)على ما اشتهتها
يردها عن مااشتهت سلو الاسلاف
وصدت نظرها والدموع اخنقتها
ولجت بصوت(ن)وسط عوج(ن)ونحاف
ولااحدن ياابو تركي درا بلجلجتها
وتبسمت ماكن بالجوف رجاف
وأخفت مشاعر بالحشا كدرتها
من بعدها كل الرعابيب تنعاف
ورجلي عن رجوم الهوا فارقتها
ماانساه كان البيت مايعود ينطاف
ولاان روحي تدفن بمقبرتها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين