مشاعر الوحده

يضيق صدري كل ماحل ممساي
مشاعر الوحده تلامس جروحي

أخفي بلا نفسي عن الناس جواي
وحين المسا قلبي بهمه يبوحي

ياما وياما للأمل سًَجت بخطاي
مير الدهر ماأقساه حطم طموحي

صبرت مير الصبر ماحقق مناي
مافاديني صبري ولافاد نوحي

دايم معي حزن(ن) على طول ممشاي
خمسة سنين(ن)ساكن(ن)وسط روحي

مدامعي تبكيك ياهم دنياي
وين أنت شوف دموع وجدي تفوحي

لا يالمساء أرجوك أعتق بقاياي
يكفي ترا ماأقدر أداوي جروحي