عذرك الواهي !!!

على شفاهي كلام(ن) طال ماقلته
وأخاف صمتي يطول مكبل شفاهي

العام عذر القرايب ماتقبلته
واليوم وشلون أبقبل عذرك الواهي

حملتني فوق ماطيق وتحملته
وأسرفت فيني وصرت الآمر الناهي

ياما رسول المحبة يمك أرسلته
ويعود لي يشتكي من طرفك الساهي

كنت أتمنى تحل لقلبي أسئلته
لكن تثيقلت منك إسلوبك الفاهي

ماشفت منك الحنان اللي تأملته
غرك زمانك وغرك حسنك الباهي

واليوم راجع لقلب(ن) كنت ..مشكلته
دور على غيرها!!ماباقي إلا هي

لاعاد تشفق على حب(ن) تجاهلته
ماللمحبة مكان بقلبي اللاهي