والا أميره!؟ غيرهاااا الف اميره - أميرة الجابري

ماتوقف الدنيا على موت انسان
يعني بتوقف يوم ترحل أميرة.!؟

أنا الحياه!؟ ...بذمتك منت غلطان؟
هذا الكلام برمته قول غيره..

تصدق معاي احيان وتبالغ احيان
بعض الحكي ينقال: )ماخوذ خيره(..

بتعيش..والأزمان بتخلف ازمان
بعدي أكيد .. بتستمر المسيرة!!

إكبر هنا في داخلي مثل الاغصان
خذ من زوايا قلبي الغض ديره..

والا أنا!؟ برحل عن الحب باحسان
واترك بقايا الورد وآخذ عبيره..

خصري : حزامه صبر ملفوف بايمان
صدري : قفص من نار والحلم طيره..

بكرة بتنساني .. رضا .. غصب .. إذعان
وتمسي عيونك بعد عيني قريره..

للعمر ساعاته ،، وللوقت ميدان
وعين المحبة كان تدري ضريره..

ابدع تراك لصهوة القلب ربان
أنجز ترا شرهة عذولك كبيره..

بس اطلبك .. ثم اطلبك كان لي شان
ارحل ترى بعض الليالي قصيرة.!

إغنم حياتك..دامنا مثل الاخوان
والا أميره!؟ غيرهاااا الف اميره..

© 2024 - موقع الشعر