يا غبوني

ياغبوني لاتروح ابك الغبون
كلّ ضيقٍ عند ربي مخرجه

وكل ّ بالٍ تدّهر فيه الظنون
ما خذا غير الظنون المزعجه

مثل من كالوا الدقيق ويطحنون
تعبةٍ غير التعب وش تنتجه

وكلّ شيٍ قدرّه ربي يكون
حيث ما وِجّه يسير ويتجه

يتعب الرجال ويشدّ الضعون
ويشتكي والضيق ربي يفرجه

والبن ادم بين كاف وبين نون
وان مضى فوق العزوم المسرجه

خط قبله ينتهون اهل الجنون
ويرتسم لأهل القلوب المدلجه

انتهوا... ولاّ عسى ما ينتهون
حدّ كلٍّ في هواه ومنهجه

وحدّ عيني ترقب لشهب العيون
خّيلوا يا باقي المتفرّجه

دام راسي يدّرج فوق المتون
والله اني مع النشامي لادرجه