عذب السجايا

الصبح غذّاه البها راهي القد
والليل تهدا روعته من هدوّه

و النوّ يغشى عارض الخد والخد
و البرق نوضه شعّ من وسط نوّه

قربه دفا قفّل على هبة البرد
وشوفه غضى فوقه تفوح المرّوه

زولٍ يقرب ما عصاني من الشرد
تهدى واقدمها لحضرة سمّوه

الزين ماله حد والعقل له حد
والله جمع له بينهم فالمخوّه

عذب السجايا .. نايف.. معرّب الجد
يلوي عليه القلب لوّه ولوّه

اعد له ويعد وارد ويرد
ياصبر عيني يا شفاة المفوّه

حسنه طغى في بادي الشام و الكرد
محدِ يباري هامته من علّوه

ماباح في سده ولا باح لي سد
يشره على نبر الكلام المشّوه

شرحِ خذا بالمختصر باقي السرد
موجز نهايه للحديث المنوّه

يا اللي علينا سايقِ لعبة النرد
مالي على لعب الغنادير قوّه

وان كانها حتماً ولا بد لابد
ما يطرب الخاطر على غير جوّه