( خاتم ونفنوف ). لـ نوض السعودية

( خاتم ونفنوف ) - نوض السعودية

الحب والشوق والاحساس والخوف
من يوم عرفه وانا حالي عليله

الصاحب الي غرامه لافني لوف
علق فؤادي الا ياعزتيله

غلاه في داخل الشريان والجوف
مارحت ادوّر بعد حبه بديله

فرقاه سم الغلا ودروع وسيوف
والبعد سيفه وانا مثل القتيله

لاشك زوله دمار وينعش الشوف
يساعد الهاجس افبدع الجزيله

الله يصبرني امن الشوق يانوف
لو ان نضرة عيونه مستحيله

شريت لجل اللقا خاتم ونفنوف
واخاف يبطي ويتغيّر مُديله

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.