منبع

اليوم من سبّة الاشواق تعبانه
تعبت افسر كلام الحب واوصف له

ماعاد للكلمه اللي قالها خانه
طبعي له سنيين بد الخلق يعرف له

افرح معه لافرح وازعل على شانه
واليا تكلم عذولي فيه اوقف له

الناس في نفسها بالحقد مليانه
للي يعزه من الاصحاب يهتف له

اليا افترقنا تعيش النفس حيرانه
واليا التقينا يصير امن اللقا حفله

لازلت من منبع الاشواق ضميانه
يازين كلمة احبك لو على غفله

ان جاتني ياهلا وصح الله لسانه
توّي صغيره تراني بالهوى طفله

يشهد قصيدن كتبته وسط ديوانه
وتشهد بيوتٍ سريعه مالها قفله

والله يشهد على اللي قلت سبحانه
لو شخص غيره حشى ماكنت بحلفله