قيد

(هذي قصيده توّها قيد الإنشاء
في بدعها ياليت ربي يعيني)

....
حبّك مضيعني من الحاء .. للباء

إجمع حروف الحب بينك وبيني
أنته حبيب الروح ماقلت لك لاء

اي والله إني اعشقك ياضنيني
لاغبت عني ياغلا نفسي استاء

وتضيق نفسي والقهر يبتليني
أذكر وجودك كل ماشفت الأشياء

وأزهق اذا شفت الحزن يحتويني
والشعر احساس ومشاعر وإيحاء

يوصلك يغلا الناس من نون عيني
أصبحت زهره وأنت لي يالغلا ماء

وإليا ضميت اتقول لي اشربيني
تروى الضما لو كنت لي بالهوى داء

وإن مت ياقصّة غلاه ادفنيني
ماهمني ياصاحبي كثر الأعداء

وماهمني وش قالوا الناس فيني
إن جيتني فزيت بالزول لاجاء

وإن غبت عني أدري انك تبيني
ومن الألف يالين ماتآصل الياء

قصّة غرامك قصّة العاشقيني
الله فعل والله قدّر وماشاء

إن الضروف اتكون بينك وبيني