ياويل

غلطة زمآني جبت قلبي من اقصآه
في حب شخصٍ ٍ صار ويّاي سِلبي!

توي صحيت وعشت جو المعاناه
وتوي عرفت وقلت: ياويل قلبي

ويومي تعبت وقلت: ياقلبي إنساه
جَمر الهوى وسط الفؤآد إشتعل بي

قِمّت آتذكر يوم كنت آترجاه
والشوق في قمّة جنونه وصل بي!

وآقول حس ارجوك بالقلب وش جآه
حالي مِن الفرقا حبيبي نَحل بي

عزآه ياوقتٍ مضى والف عِزآه
من سِّبته حتى المرض مِتصَل بي

بس المصيبه آه ياحر فرقاه
سَافر وأخذ قلبي ورآح ورحل بي

كنت اعشقه وآموت وأدوّر إرضاه
ولازلت أحّبه موت مهما حصل بي

هذا قِدر مكتوب .. والحمدلله
مكتوب اعيش الحب ويّآه سِلبي