سمعت هرج مروج الهرج يا سعود
والنفس لبعض القول ما هي صبوره

أمسيت من قول أهل الهوج ملهود
والعوج تمرض لو أهلها محقوره

يلومنا بالجود يا منقع الجود
اللي بالارياء والعقول مخشوره

يالايمي ماجيت مع درب منقود
وأخبرك ماني من رجاجيل بوره

عنّا المرمه دربها حيل مسدود
واللوم عنا قاصراتٍ إشبوره

با للازمه دنياي ما تأزن العود
أبيعها وأهل الملام مخصوره

ماأسمع لشور اللي عن الجود مردود
رائي براسي والجنون محشوره

اللي ضراء للبيض ما يقبل السود
والحق واضح والدروب مخبوره

للنقص ما نقبل بعد قمت الزود
ولاني بحال اللي تردت إشبوره

لياء أنّسدح عن واجبه كل سمهود
النفس للواجب جزوع وغيوره

وأشفق علي العليا ولودربها صعود
واللي يشور بهون ما اطيع شوره

ولياء أعرضت ما أصد والرب معبود
ربٍ جعل بيته لخلقه تزوره

متكفلٍ بالرزق والعمر محدود
حيٍ رزق حجرف ودابه بغوره

وترى الجماله دونها الدرب به كود
تصعب علي عفن الرجال بعبوره

وأنا أفهم اللي يفعل الطيب محسود
يلومه اللي ما شعر في قصوره

يعطي عن الواجب لياء جا له إصدود
ووقت السعه للطيب يدق زوره

عند اللوازم كن ما هوب ماجود
وعن مجلسه تلقى الدلال مهجوره

وأن أرتكى للسافه يخلق بنود
سلطان مجلس واليمين معثوره

يقلد الذكري سعيّد وصا هود
ولا بن ناحل في زمانه ودوره

لكان ما يحدث بلاشك مشهود
لابد يطلع له مع الناس صوره

ولاينفع المعذار والامرمقصود
وبعض البشر عن اللزوم معذوره

يا لي رصدت الناس تراك مرصود
وكلن عرفنا من إلسانه إشعوره

لاتحسب إنك سيدٍ وأنت مسيود
الناس ماهي لوحكيت مغروره

لاشك ذ ولاء الخلق من دور ثمود
ويذكرلنا عنتر تورط بثوره

وتم الكلام وكل شيٍ له حدود
والحر الاصلي مايغير وكوره

وصلوا علي المختا رما ذعذع النود
اللي مشاء بالدين وأنار نوره


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر