لدت مهاه

راعي الصدق ما يزبن لقاع اشمعه
وراعي الكذب نظراته تبيّن خفاه

من غدا بين خلق الله كالامّعه
والله انه بيبطي ما وصل مبتغاه

لكن..الغرب.. واقصى الشرق ويش اجمعه
يرضخ المستحيل لكل سنّة حياه

صادق الشوق لغز ايلين جا وارمعه
غاليٍ غاب عن عيني وانا في رجاه

كل غايب الى من غاب عذره معه
لو تناقص علومه ما تناقص غلاه

طمعتي فيه شوف وهو شقاي اطمعه
ياكبر كبر ذنبٍ من عذابي جناه

يوم دنّق .. امغايض للطفل واكمعه
مثل ما للغضيض الغض لدّت مهاه

ينطق الغيظ بعيوني واقول اسمعه
وادري انه سمعني كل من قال هاه