الربطه

لـ حمد بن فطيس، ، بواسطة غادة العلوي، في غير مُحدد

الربطه - حمد بن فطيس

الى جيت برقد وين انا باكرٍ باروح؟؟
ما دام الغضي سافر ونواف في الربطه

يسقى الى مني دعيته مع صحصوح
مع اول شهر عشره والاوضاع منظبطه

على رادة الله مع خويٍ بعيد اشبوح
رقا فوق والا الاش تحري به الهبطه

الى خذت منه لاح له من ثبت كاللوح
توكد على طلعه الى ثبّت السبطه

الى شاف خربٍ عازمٍ من حلاة الروح
يطيح ابرق الجنحان من قوة الخبطه

مع اول لحوقه تحسب ان الطرد مسنوح
على وقتها راعي الدنانير ما اغبطه

الى جا براد الوقت واسهيل شيف ايلوح
توكد مجي الصيد واقفاية الربطه

© 2024 - موقع الشعر