ابرك الساااااااااااااعات

الردي لامن عطيته فوق حقّه
شك في نفسه وسوا لك سوالف

من يعرف ابقيق ما تخفاه بقّه
وش على القانون من منهو يخالف

اكبر امجمّع من اول كان رقّه
والجبل هو..هو..من اعصورٍ سوالف

من يجر الثوب لامن نشب شقّه
وكانه امّاسل!!ترى ماهو بتالف

ومن لبس له بشت ما يملاه خقّه
السوالب .. والمواجب.. ما توالف

ومن يلقّيك الجفا والصد.. لقّه
الكواشح.. والتوابع.. والعوالف

لانه اصلاً..طيب ظنّك ماستحقّه
اتركه مالك على شرواه كالف

نقّةٍ .. تجّمع بمثله شر.. نقّه
ابرك الساعات شوفه عنك ذالف

لايردّك لو رجع لك كثر طقّه
لو تجمّع كل قوات التحالف

الرضا منّه الى راضاك..تقّه
كل بسمه ما ترجّع كل زالف

الردي لو شاف منّك فوق حقّه
شك في روحه وسوا لك سوالف