ياعذولي

لـ حمد بن فطيس، ، بواسطة غادة العلوي، في غير مُحدد

ياعذولي - حمد بن فطيس

ياعذولي ترى بعض العلوم الصغار
تجرح البال واتهز الحشى والخفوق

ادري الحر يظهر يوم طال المغار
ماينقّص جمالٍ في الغروب الشروق

والله اني على نفس الخطى والمسار
مايغيّر قناعاتي وساع الشدوق

التعامل على وضح النقى في النهار
منهجٍ ماتلاقا به كذوب وصدوق

ماتعاملت باسمٍ خافيٍ مستعار
في زمانٍ تلون صاحبه مايعوق

الله اللي بيده ارزاقنا والعمار
الفضل له ولا لاحدٍ علينا حقوق

الحسد والتكبر حطها الله دمار
تجعل اقصا حشاشة متبعها حروق

المراجل جعلها الله بدون احتكار
ذاك لوهي تعيّن في مجمع وسوق

نحترم من يرانا في عيونه كبار
انترفّع عن اشباه المساكين فوق

بعض الاشياء القديمه لو غشاها غبار
للمعاني مقيمه بين طرفٍ وموق

مهبل اللي يحسب الخبز ينفع حضار
مادرى اني بخيصٍ بالغنا والطروق

مادرى اني معيفٍ من زراق وسمار
للبياض المرفرف تجتذبني عروق

اعرف ان لزمتي حشمه وعز وقار
غيمةٍ مدلهمّه ماغشاها فتوق

كل زادٍ لزومٍ فيه ملح وبهار
ان نقص شي منها مامذاقه بذوق

الحسايف تجوز لواحدٍ ماستشار
ماتجيه المخافه واحدٍ مايبوق

يزرع الزرع زرّاعه برجوى الثمار
النخل ويش فرقه كان ماله عذوق

الحصابي مخابيها بطون المحار
إن لقوها تخبّا عن يدين السروق

القناعات كنزٍ للفقارى شعار
الربا يالمرابي لك سحوقٍ محوق

الصدى حسب ماتنطق يجاوبك غار
الحقوق الحقيقة قيل تبغي حلوق

ماتردد بساعات إتخاذ القرار
إمطري ياسحابه وإبرقي يا بروق

إحمد الله داري مكتسيها خضار
من طروق الحيا دايم يجيها طروق

ماانتمي لليمين ولا أنتمي لليسار
إبدويٍ رعى قبل التمدان نوق

© 2024 - موقع الشعر