الفناجيل

ترى التهرّب من وجيه المقابيل
يصبح على الرجال عيب وملامه

ماكل طيرٍ ينوكل يالمهابيل
باش الحكم جاه البلا من غلامه

تطلع لمن يابى عليك المحاويل
تبغى السلامه غير مابه سلامه

منته بصفره!! في نهارٍ ولا ليل
لاانته ولا هيّه من اصغر حلامه

على البطا تبقين ياكذبة ابريل
تبقين في طرة جبينه علامه

ماني معّدل عوج الالحي عن الميل
العرض خام..وكنّهاله اجلامه

يازعفرانٍ خالط البن والهيل
تكرم ..على صيغة اقراه .. وعلامه

قد شفت انا بعض العيون المكاحيل
تنظر هروبه عقب..ذاله.. ولامه

النصر كذبه .. والحرايب دهاويل
النصر صعبٍ للضعيف استلامه

جازت على بيض الوجيه التعاليل
من راس صاحي يوم ذعذع ولامه

ودارت على صف النشاما الفناجيل
اسباع بر وغيرها جمع ..لامه

وشلي بكم يازابنين المداحيل
في غاركم قصر النظر من ظلامه

وانا .. على قمة جبل واسبر اسهيل
وراعي السوالف .. ما شحنّي كلامه!!