عن عشى التكريم يكفي سندويشه

عن عشا التكريم يكفي شندويشه
وعن ظلال القصر يكفي ظل عشه

شايمٍ شومة نداويٍ صف ريشه
عابرٍ فوق البحوور وعاف عشه

الوقوود امحصّله في كل شيشه
وشي ممنووع الوقووف اشلون ادشه

مالفيته من قطر من قل عيشه
يقطع الله راس من راسه يخشه

ومن يبيّت نيّته (يحرء حريشه)
دام هو جاه البعووض ولا يكشه

وانت ياللي شف بالك تمر بيشه
طير خلّه للهداد وطير عشه

لاتظن اني مثل خاطي نشيشه
رفقته لك دام بكفووفك ترشه

الربيع اللي صناعيٍ حشيشه
ما ملا عيني كثر سقووه ورشه

ماغترني منظره مع الدريشه
ولاغتر راعي الذلوول وحط قشه

مسكنٍ بالعز لووهو بيت خيشه
عندي افضل من جفا الجاهل وغشه

وصاحبٍ ماني على الووقت استحيشه
ويش ابي به دامها الاخلاق هشه

والخطا اللي نيّته ما هي غشيشه
امسحه بالطيب في دقني وامشه