الحباري

لـ حمد بن فطيس، ، بواسطة غادة العلوي، في غير مُحدد

الحباري - حمد بن فطيس

الحباري تكشف الطيب الصناعي
من تصنّع!! عندها تظهر اعيوبه

الردا عند السنافي سم افاعي
والردي لو هو بغى يلقى صعوبه

طاويٍ من باقي المقنص اشراعي
كيف!! واقلال الروابع ولعوبه

افتنوافي حبه اقلال المساعي
مايغسل اذنوبهم ياكون توبه

بيعها في الجو يحرم لو تباعي
كالسمك في الما !! حرام وحللوبه

غير وين اللي بذا يفقه وياعي
مايهابون المحرّم لو دروبه

كمّ كشّافٍ اللى جا الليل شاعي
كل تالي ليل للجرّه سروبه

لاسرت تبغي تدوّر للسواعي
عارضواها ما يخافون العقوبه

ومن بغى يحمي حمى من غير داعي
وانشره عند اخوياه وبلغوبه

والحمى معروف له علمٍ يذاعي
في الجرايد والاذاعات اعلنوبه

ينطحك لا دجت في خضر المراعي
كن اطيوره صدق واطيرك لعوبه

يقنص المحمي ويوصي كل راعي
والعرب في ما بغا ياهوب هوبه

واوليالامر ان وصلهم لانطباعي
اشهدانهم لو دروبه ما رضوبه

واثقٍ بالله الاول ياذراعي
والحيا والسلم تجذبني دروبه

والسموحه يادواتي مع يراعي
عارفٍ مثلي خطاياه امحسوبه

© 2024 - موقع الشعر