سد البعد

لـ حمد بن فطيس، ، بواسطة غادة العلوي، في غير مُحدد

سد البعد - حمد بن فطيس

غدا البعد كنّه سد في وجه من يغليك
ولكن سد البعد لك جمّع اشواقي

تخيّلت في كف الموادع سلام ايديك
جحدته ولاكن مانفع فيه دنّاقي

الا ليتي ادري يوم قفّيت عن طاريك
عسى انك ال بعدي يشبه افراقك !! افراقي

انا يوم اميّز كل الاوصاف واعجب فيك
دليل ان جمالك يشهد ال ذوقي الراقي

ادوّر ال شكلك بينهم بين ذيك وذيك
لعل او عسى !! يافيّ عمري ومشراقي

ولاشفت مابين الملا من هو ايحاليك
على كثر روحاتي وانا من قبل هاقي

تزيد الليالي دين حبك على واوفيك
من الشوق ما يزهر بودك وانا الساقي

مع الساعه الحرجه وانا خابرك يمديك
تبيّن غلاي وتشعل النار ل حراقي

وانا كم لفيت وكان فالقصد باحاكيك
والى جيت وجه ال وجه تتبعثر اوراقي

على كل حال الى حصل فيك!! والا فيك
عليك ان توضح نيّتك واترك الباقي

© 2024 - موقع الشعر