يعني نسيتيني؟؟؟ - محمد العثمان

يعني نسيتيني وانا ما اقدر انساك؟
وش فايدة حبك وانا كلي طعون؟

اجيك تايه واصل حدود فرقاك
واجلس ورى سياج الهواجيس مسجون

كيف الخلاص من العنى دام فرقاك؟
يعزف على سمعي طواريق ولحون

اوفا منك يلفي علي في محياك
والا انت مالك بالوفاء ساق وغصون

وش حيلتي بك دام دمعي ترجاك؟
من عقب ماهو منك مخفي ومدفون

وقتٍ مضالك ياهوى البال سواك
عندي اعز الناس من دونهم دون

لكن طيشك ضيعك.. وين وداك؟
بديار هجرك بانيٍ عرش وحصون

هدمت حبك بس هذي زواياك
(انا من اللي لابنا ثبّت ركون)

هذي ركون الحب.. وهذا هو حماك
اعسّها لاهؤد الليل مغبون

والا خفوقي لاتركته.. تنصاك
بالهون؟ لا والله ماهو على الهون

يمشي وعينه بالثرى وين ممشاك؟
ماتشوفني شديتله قيد ورسون

ابيك تحفظ هيبتي كل ماجاك
مابيه يدله فيك وايذل وايهون

لاعؤد الله هاجسٍ جاب ذكراك
قلطلي طعونه وانا كلي طعون

© 2024 - موقع الشعر