راكب اللي لاشتغل

راكب اللي لاشتغل كن به روح الجنين
ماورد قبله ولاظنتي يرد بعده

يسرق الانظار سرقة شعرةٍ من عجين
والزياق مذهبه والركون مورده

من بعيد تقول خيمة عروس في بطين
ولاقربته من قريب تقل لون برده

جيب لكزس من موديلات الالفين الثمين
وكلٌوا عبداللطيف الجميل وورده

فرش موكيته تقل من شجرة الياقطين
والمراتب جلد بافخم طراز منجده

ماحلا مسراه لين الصبح نوره يبين
والقزوزات الثمان الجحيم الموقدة

مشربه بنزين ماهو سمن ولاسمين
والبساتم كنها عمدٍ ممده

الطعوس يقصهامثل قص الاكسجين
والجبال اللي كما طويق وجبال لهده

مايلام الى زعل منه ابو عبارتين
لكزس الالفين خير التيوتا واجوده

عنده الفكسار لاوقف لايمكن يزين
ما ينقص منه لكن تقول يعقده

كن تكييفه هواء دار زين العابدين
تونس الخضراء نعيم المصيف ورغده

فيه لاناظرت ماهوب ريب ولايقين
نقش اطاراته مثل شكل نقش المزوده

لاسحبت انواره تقول بين الازرقين
مايجي ياكود في طايلات الارصده

في عددهن يتعبن المكاين واليدين
ماعليهن غير صورة معزي وولده

ماملكه درويله لابكاش ولا بدين
مدة اللي ينبع الطيب من راحة يده

ابن زايد من سلالة رجالٍ غانمين
وارثٍ وفاء السمول وطيبه ووعده

علموه اني على موعده مثل السجين
والليالي توها والعمار محدده

استلم مكنونةٍ مثل ريح الياسمين
مسكها ريحة عراره وشيحه وجعده