يا مكون الكون وحياتك على طول - عيد بن سمير

يا مكون الكون وحياتك على طول
وجميع مابالكون من كاينٍ كان

مافي يدي قوه ولافي يدي حول
لولا الرجاء ماني بعايش إلى الآن

ياأول الألباب اسمعوني وش أقول
إيحاء إلهام الشعر غربال وجنان

لامسيت لي في جو مابه ولا زول
أغوص فيه ابحور واهيم وديان

شعرٍ يروح لياسمعته مع الضول
وشعرٍ يروح لياسمعته للاذهان

دنياي تنظر في وعيونها حول
مانيب لارابح ولانيب خسران

ياصاحبي خليتني منك مذهول
محبتي لك ماتقدر بالأثمان

ارآك فجرٍ يودع الليل معزول
ماانته بعيني مثل شمس المسيان

الآدمي بالموت والرزق مكفول
كل البسيطه ماعلى وجهها فان

الدر والمحار والماس واللول
يحبهن جما كذا الأنس والجآن

وجميع طيب تاجده شي مقلول
من كل كاين حي وجماد وانسان

© 2022 - موقع الشعر