المدح بالفرم لو يكثر شوي

دام اخو حسناء مع الحيين حي
أكثر الحيين عندي تقل ميتْ

الردي لو حيي والا مات عي
ودي اسكت عنه لاكن ما قويت

مايبيك تجيه عاني باي شي
ووده أنك تمدحه في كل بيت

متربع ويهرج في ظل في
لازم تداري شعوره لاحكيت

وهرجته هذا فقير وذا غني
مايسرك كان رحت وكان جيت

الكلام اللي بلا برهان ني
وكان به مقضاة لازم مادريت

مالقيت ألذّ من هرج البني
كان ودك بالحقيقه كمبليت

خذ اليمنى يابو فيصل من ايدي
أحلم أحلم ياولد محسن حَيِيِت

البلاوي ما سلم منها النبي
وأنت لك صيتٍ يباهي كل صيت

لو عطاالله مايعز إلا علي
قلت له ماقدر ولا كني دريت

المدح بالفرم لو يكثر شوي
ومن ورى الهقوه إلا مني هقيت

والله أنه قد فزع لي قبل ذي
فزعة العاهل فهد لاهل الكويت