مطار المنطقه الشرقيه(فــكــاهــبــه)

ياصديقي يامطار المنطقه الشرقيه
كل ماضاقت عليه جيت يمك عاني

فزعتك ماهي مثل فزعات حظي ليه
فزعةٍ تروي ظماي وتطرد الاحزاني

وش بلاك تخونني( فالعطله الصيفيه)
اثر لاكثروا عليك اهل السفر تنساني

جيت في صالتك ادور رحلةٍ( دوليه)
قلت ماعندي ولو رحله على (السوداني )

ثم رجعت البال شين وخربت النفسيه
واركب الموتر واشغل وانحر الصماني

ما انتبهت لنفسي الا من ورى (دبيه)
الله اكبر في سموم القيظ وش وداني

كيف تحداني اطاول خط (ابو حدريه)
وكيف ترضى صاحبك يمشي وهو زعلاني

بس صبرك مابقى حاجه على (الشتويه)
والله لبكره تدورني ولا تلقاني

يقعد (اسطولك)يدوج مامعه (عبريه)
العرب وقت البراد تدور البراني

القصيده (ارتجال) وجت كذا عفويه
وانت ماتفهم قصيدي مير صح لساني