ياقو قلبك

ياقو قلبك على الهجران والصده
وياضعف قلبي على صدك وهجرانك

وياوجد حالي مابين الضيق والشده
اصوغ جزل الشعر كله علشانك

والله لولا الغلا يالعنبو جده
قلب ٍ نسيته جفاك ولا بعد صانك

جيتك بقايا من الاشواق منحده
بالله وش غيّرك والقلب ماخانك

بالله قلبك على الهجران وش لده
في ذمتك ماسكنت اليوم وجدانك

تغيب وتسلى وتلقاني عقب مده
مشتاق لك والغلا فالقلب عنوانك

الله حسيبك محبك بايح ٍ سده
أثرك عديم المبادي كيف نسيانك

ياقو قلبك على الهجران والصده
وياطيب قلبي حفظ حبك ولا خانك