كل مافيني تعال..

قمت أناظر بين دهشة بين حيرة بين خوف
خِفت يسمع صوت جرحي تايهٍ مثلي معاي

النهار يصحى كِبير والمساء غربة وعزوف
أبتدي مثل السراب وأنتهي بغفلة ضماي

كل مافيني تعال إحسبِ إحساب للظروف
طمِّنِ إفراقِ اليتيم إلى بغى مثلي هواي

صحبتك تطرب حياتي يعني دمي باالكفوف
يعني هاالدنيا وسيعة تصغر ابدونك رضاي

علَّمِك ربي حقيقة بين حق وبين أعوف
بين إنك تملك إحساسي وتبقالي غلاي

لمني كانك بغيت حطني بقلبك وشوف
تلقى خيري يمتليك وأطهره إنك عطاي