يا سعود - يحيى ال بالحارث

اهداء متواضع الى اخوي سمو الشيخ / سعود الصباح
ياسعود انا بالحب لا قيت روحي

من عقب ما ضاعت ثلاثين مرّه
مرّه اقول الوقت سبّة جروحي

ومرات اقول العكس لله درّه
شف لي ثلاث سنين وانا أنوحي

من عقب ما فارقت دنيا المسرّه
والجرح لامن زار وجه(ن) صبوحي

مصير هذا الوجه بيض الأسرّه
وان قلت يا دكتور بالله توحي

يقول حالة جرحكم مستقرّه
وسط الرياض ولا صديق(ن) يبوحي

وان قلت هانت زاد بالقلب حرّه
ياخوك انا ملّيت ودّي أروحي

يم البحر لا ضاق صدري أمرّه
بيني وبينك صرت أهمل طموحي

ولاعدت اميّز بين بحره وبرّه
قلت اتسلّى تحت نور(ن) وضوحي

لقيت نورك غير نور المجرّه
( يا سعود) في خوّتك عطر(ن) يفوحي

مثل الجبل راسي وثابت مقرّه
بعض العرب (يا سعود) سرّه فضوحي

ياشين غلطاته وياشين سرّه
كنت احسبه ياخوك وجه(ن) سموحي

واثره ( عويذ الله) من زود شرّه
يغريك بالأوهام يبني صروحي

وان قلت له وينك؟؟ يجيك يتشرّه!
وبعض العرب (يا سعود) وجه(ن)مزوحي

منهم (أبو أنور) عن الفين درّه
تعبت من هبّة رياح(ن) تلوحي

ومالي من الأفراح مثقال ذرّه
اللي كتبه الله في وسط لوحي

محفوظ والمكتوب مامنه فرّه
باطلق عنان الفكر واكبت جموحي

واعيش في وقتي بحلوه ومرّه
وان ضاقت الأيام بهديك روحي

ياسعود لكن شرط قبري تمرّه !!
© 2024 - موقع الشعر