ضاقت بي الدنيا بوطر الاكاذيب
يوم الشقاوي لا فياتٍ لصوبي
يا وقت تكفي ويا قدر يكفي تجيب
آهات تشطر قاصيات القلوبي
يكفيني في حبه أنا شفت أعاجيب
شفت السماء أرضى وشرقي جنوبي
سموة (شايب) يوم غزا راسه الشيبوي
ومن نحل جسمه قالوا خصر القصوبي
ظنوه مشقى .. وبالغدر له مجاليب
قاسي وظالم في هواه كم حكوا بي
آدمي خفوقي باسم ذيج الألاعيب
صوته جرحني وماحسب لي محسوبي
يومي عشقته قالوا يابنت ذاعيب
وبين الخلايق والملا شهرو بي
أظهر خفايا شرهم عالم الغيب
وشفت المخبئ في جبين الغيوبي
يوم أوئدوني فوق ظهر المكاتيب
ردوا حكوا عني وكم سولفو بي
وأطويت في صدري خفى الشك بالريب
عن ذوك آوادم قصدهم يلتهو بي
جاملت وماكني من الصوت باجيب
رآفة قلوب مذنبة ماتتوبي
شاقتني أوهام الصبايا الرعابيب
شهد وعسل واحلام ورد وطروبي
يالله طلبتك يا مجيب المطاليب
تمحي خطاوي عاذلين بدروبي
ويحن قلب اللي هويته بكل طيب
ويلفحني حبه مثل هب الهبوبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.