نواف بن عبدالعزيز بن رازن
عديت لي في راس رجم بياني

رجم علا فوق الرجوم الشواهيق
رجم طويل وفي ديار اقحطاني

ونسناس برده يبعد الهم والضيق
اشقر حصى ما خالطه لون ثاني

لفح الهبايب في مفوحه تصافيق
ولا ظنتي قبلي ولا مود ماني

عدا بعالي مرهقات الغرانيق
يا كود ابن بندر ذريف اليماني

فيحان يوم يقول زين الطواريق
في حب ترفات الصبايا الحساني

نجل العيون ملهفات السماحيق
وهاض الضمير وقلت زين المعاني

والفكر بمليهن جموح وتفاريق
واختار منهن يوم رجمى حداني

واقطف ثمرهن مثل قطف الزماليق
واصدرت من مكنون قلبي بياني

في ود عذرا من طوال المعانيق
ودٍ يزيد بكل يوم اثبتاني

في لقلب من دونه قفول وصناديق
نبنوبةٍ رجت وهزت كياني

ولحق عروق القلب منها ملاحيق
وشبت تحت حدب الضلوع المحاني

نار تشارى نار أبو حقل وبقيق
عين القضيب إن شاف جول سماني

ثم انصرم للجول من عقب تحليق
والردف شط شرهفات الذاني

اللي رعت ما بين ابانات وطويق
هافي حشا من ضامرات المثاني

والخد ما حطت عليه المساحيق
بنت الرجال اللي تروي السناني

من شوخ نجد اللي تشيل المعاليق
زحول الرجال مكبرين الصياني

ودايم على كسب الجمايل مشافيق
ويالزين يا الغالي رهيف الثماني

ليتك تناظر داخل القلب وتويق
حتى تعاملني بعطف وحناني

حيثك دواي وداي ما فيه تبريق
وتمت ويالله للصواب تهداني

وعسى غصون الحب دايم مواريق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر