الجمر والثلج - نواف الدحام

لا تحسب الجمر مثل الثلج ياجاهل
الثلج لا ميله شمس الضحى سيّح

ولا تحسب الشوك مثل التين ياغافل
التين له لذةٍ والشوك ما يريّح

ولا تحسب العلم شرح دوم متواصل
العلم مره يجيك ودايم مريّح

وهذا الزمن لا تجي للقوم متجاهل
احسب حساب العرب لاتنيح وتصيّح

أنا بعلمك شي منك لي حاصل
وارجوك لالا تكز العذر وتبيّح

قد طاب منك الضمير وحط لك فاصل
ولا ابغى كلامك ولا ابغى اشوفك تنيّح

امنول احشمك أحسبك ماتجي ناصل
واليوم نزّل حمولك واقعد وريّح

الناس به فرق ذا عاقل وذا جاهل
وإنته بعينك تشوف الفرق لا تويّح

ترى العرب جرف واطلع عنه متشاهل
واعرف من اللي يجيك ان شافك مبيّح

والمالح إفطن تجيه وتترك الناهل
العذب ما أحلى طعمه ان جاك متسيّح

والديرة اللي رداها صار به وآهل
ماظن بتعيش كل العمر متريّح

والوقت له ميزةٍ خلا الصبي كاهل
وحسبي على الوقت كان الوقت ماريّح

© 2024 - موقع الشعر