بزمان يقبضون الجمر بكفوفن حرقهنه

والا يالهاجس اللي حدتك سود الليالي غن
مادامي في صقيع البرد كني بقايل الكنّه

من اللي جمرته مابين الاضلاع وفواد دن
مثل دن النجر لا حرّق المحماس بالبنّه

تحت طية زمانن مال ضلعه والجبل ما حن
عظام اللي تذرا في ذاره ومخلفن ظنّه

والا يا وقت عمري تاكله ما بين سن وسن
لكن جعل القضا ياتي وانا مسلم على السنّه

اشوف شيوخنا كلن تحايد خايفن يفتن
بزمانن يقبضون الجمر بكفوفن حرقهنه

واجل وش حال من مثلي على باب الهوى والفن
لو يروّح مراح مقيط ماحدن ناشدن عنّه

وقلوب الناس مشغلها الذهب من مصرفن دندن
تلذذ في ليال ما تذكّر ويش يخفنّه

نشوف ايات كنا ما نشوف ولاحصل ابدن
ونمد الكف بالمعروف ثم نلحّقه منّه

وتقدينا على جرة شياطين البشر والجن
ونضحك والزمن للي مغفل ما ضحك سنّه

الاي الله في التوبه وفي حسن العمل والظن
وغفرانك قبل عمري سهوم الموت يلفنّه

تعبنا والبشر كلن على ليله بهمه ون
واحد عينه على الدنيا واحد عينه على الجنّه