ساعي البريد

لـ نهى نبيل، ، في غير مُحدد

ساعي البريد - نهى نبيل

ودي أحكي لك حبيبي عن عذابي من زماني
ودي أشكي لك همومٍ بالحشى دايم تزيد

ودي أتكلم وعينك ماتناظر شخص ثاني
ماأبيك تشوف غيري من قريبِ أو بعيد

ودي أسولف وتسمع كم أنا بالحب أعاني
وأشتكي منك لعينك كانها الشكوى تفيد

أدري أنه ضاق صدرك ومثل ماهو إحتواني
بأحتوي صدرٍحنونِ يقلب أحزاني لعيد

أنت في بعدك حبيبي ماأقدر أتحمل ثواني
ليه دايم بي تفكر إني بعيدك سعيد؟!

لونها بكثر الرسايل كان حظي ماعصاني
باتعذب لاجل عينك وأشتغل ساعي بريد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر