يالله حيه

لـ نظر بنت فواز، ، في غير مُحدد، آخر تحديث

يالله حيه - نظر بنت فواز

يالله حيه .. مرحبا .. ياهلابه
إقلط تفضل يابعد ميتي وحي

قال القصيد وقلت غايب وجابه
قال اتقهوى قلت له سكر ومي

قال الضما قلت لوريدك سحابه
قال الظلام وقلت في عيونك الضي

قال السهر قلت الليالي تشابه
قال الوله قلت آه لوتقرب شوي

من عقب ماكنا نسولف كتابه
صارت سوالفنا وايآديه في يدي

وقام يتعذر كيف يشرح غيابه
قلت العفو ياسيدي ماحصل شي

يافجر عمري انت لذة شبابه
ياغيم صدري يامطر عذب يافي

قلبي عشانك بيت مفتوح بابه
اهلا هلابك .. يابعد ميتي وحي

© 2024 - موقع الشعر