سحاب

لـ نظر بنت فواز، ، في الغزل والوصف، آخر تحديث

سحاب - نظر بنت فواز

ياهلا بك يابعد حيي .. هلابك ياسحاب
كل عيد وعيدك الخيرات والعمر المديد

كل عيد ٍ مازهى بحضورك وشوفك غياب
والله ان العيد بقدومك علينا .. صار عيد

يابعد حي الخفوق اللي من الوجدان ذاب
فيك يانبض المشاعر والمحاني والوريد

في سحاب ابانمي طاب الهوى والشعر طاب
مايجيلك من قصيدي غير جزله والجديد

ياحلو بسمة سحاب وياحلو ضحكة سحاب
يالسحاب اللي تحلوا فيك كلمات القصيد

وياحلو مشية سحاب وياحلو نظرة سحاب
وياحلو كل السحاب اللي ذبحني من بعيد

ياقمر كل الليالي تلتوي يمْك الرقاب
ياكثر زينك وحلوك مترف وعذب وفريد

طربة الخافق ومنوة كل عين وكل شاب
عزّ من صاغ الجمال الواحد الفرد المجيد

ألف ذكر الله عليك ويحرسك رب الكتاب
ياسحاب الروح دونك والعمر لاجلك زهيد

بنت من طال المراجل والمكارم والسحاب
من تميم اللي لهم بالعز تاريخٍ مجيد

بنت رجلٍ مايحسِّب للمخاسير الحساب
والله اللي في ذرى ناصر ومن قومه سعيد

ناصر العبدالله المحمد ونعم النساب
من سلايل روس قوم ٍ ماتعسف الا العنيد

امدح اللي يستحق المدح واجيب النجاب
اتشّرف واتفاخر واتعلّى واستزيد

وعاد عيدك يابعد حيي وميتي.. ياسحاب
عاد عيدك يابعد عمري عسى عمرك مديد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر