ولهى

الغالي اللي عليه المجمعه ولهى
من حِر جمْر الغياب اللي لغاليها

وانا ولانيب عنْك من الوَلهْ دلهى
وياشينها ديرتن منتب ف آراضيها

هذا و حنا حبيبي تو باولها
وشلون شوقي ليا صرنا ف تاليها

يافرحة سنيني الي فيك آجملها
يا ضحكة آيام عمري يا محلّيها

فَقْدتك تذبح خفوقي ماآتحملها
تقطع وريدي جروح البعد وآشكيها

آشتاق لك والمحبه كيف تجهلها
وآكتب لك الشوق واللهفه تغنيها

وآرسلك آبيات حبي لك وآدللها
وآحرفن الحرف وآرسم لك معانيها

وآقول قولي لغالي الروح طوَّلها
متى بيرجع على روحي ويحييها 

والمجمعه ما تنوّر لين تاصلها
لا يا بعد حيّها واللي دْفِن فيها