ملهم اشعاري - نوال سالم

أسولف بك مع اشواقي ونبض الشوق لك مشتاق
وازيّن ليلي بصوتك وصوتك ملهم اشعاري

كتبت اسمك على اشعاري وحبيتك من الأعماق
أشوفك ماخذٍ قلبي وكلك ماخذ افكاري

بعبّر لك عن اشواقي واشوفك أصدق الأشواق
واشوفك يا بعد روحي حبيب واجمل اسراري

سكن حبك هوى فكري وبُعدك شي ما ينطاق
أنا دونك حبيبي شي ما له اسم أو طاري

بدت أيامي تتفاءل وعطر السعد لي يشتاق
معك انسى اللي بالدنيا وانت جنتي وناري

عشانك أحرق همومي مثل ما تحترق لاوراق
عشانك أوقد شموعي تضوي دنيتي وداري

عسى ربي يسلمنا حبيبي من ألم لفراق
وإذا كانت محبتكم شقا فهذي اقداري

وإذا ضاعت عناوينك حبيبي الشوق لك ينساق
ترا كلك عناويني ودرب الشوك ازهاري

حبيبي وحبي الاول تراني لشوفتك اشتاق
أبيع اللي بهالدنيا واجيلك للوصل شاري

أحبك واعشقك والله كثر ما قالوا العشاق
أحبك يا بعد كلي حبيبي ومشغل افكاري

أسولف بك مع احلامي واسولف بك مع الأشواق
وازيّن حرفي بحرفك واحطك باول اشعاري

© 2022 - موقع الشعر