لا ضاق صدري حيل والفكر منداش
قمت اتخيّر فالبيوت العنيده
مثايلً ماساسها طين وعشاش
السقف عالي والقواعد جويده
آخذ مع صعب التماثيل مطراش
لين ايتبيّن مايليق ونريده
مثلك يابن قشعم حجا كل منحاش
زبن الطريد اللي ملابه طريده
عاداتكم كسب النواميس بالكاش
الساس طيّب والمراجل عديده
يامن صخر بيض اللواهق كما الشاش
شردً تحاود واصبحت له فريده
غيره يجمّع له معاون وحواش
وابو محمد حاشها حوش بيده
قمت اتناوش عقب قافه تنيواش
ماعاد يبقى للمدور شريده
يتعب عليها خوف ناقد وحشاش
اللي تشدق لو تجيب الزهيده
اللي مثايلهم كما طاش ما طاش
وتنقد ولو انها تلوت العصيده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.