فوح صدري - ناصر بن لقرع

فوح صدري فوح قدرً هله منه التهو
سارجه هوج الهبايب وصوب مايجه

ونتي ونة عليلً اعذوله مادرو
يلحق الونات والعين بالماء رايجه

سبة المقطان يوم الجماعه دبرو
اخلو الديران والعد وقّف دايجه

راوزو روس المنادي بعيدً وانزلو
وراعي الحاجه غفل ما قضى حوايجه

نحسبن غيب الليالي كما الماضي حلو !
أثر غيب السود مثل البحور الهايجه

ليت عندي من طرف غيبها علمً ولو ؟
قبل حزات المفاخت علومً رايجه

صرم .. حالي صرمة عذوق وقافً ذوو
وقّف الجاري ولفح الجوازي عايجه

واهني اللي ليا طالت المده سلو
والله ان ابطي وجرح الفراق آلآيجه

لذة الغي اشبكتنا !! ونظرات العفو
لين تهِنا في طريقً بكت نتايجه

انتظاهر بالسعاده ونطبخ من خفو
والعوض نرجيه عقب الحظوظ البايجه

لا نذوا عشب الدهاكيل وإنقاض الجزو
واطّرد زامي سرابه مع هبايجه

وأزعج الطرش الهيافي ولا قر الفلو
ثم نوو عداً مرياً لها رهايجه

مرحبا ترحيبة الصدق ! لامن قبلو
حزت فيها الرجاوي صحت بهايجه

© 2024 - موقع الشعر