يابنت الاجواد بالله لا تخليني
اهيم في عالم الحرمان وحداني
ياعنق ريم نفج بين الصلاتيني
مذيرٍ من شعيب وراح للثاني
ان كان رحتي علي منهو يواسيني
ياكيف باصبر ونار الشوق تصلاني
انا احبك وحبك ساكنٍ فيني
يمشي مع الدم في قلبي وشرياني
استوطني وسط قلبي يانظر عيني
ويصير لك من ورود العشق بستاني
تكفين من عالم الحرمان شيليني
خليني اعيش جو العالم الثاني
تكفين جيتك بقايا انسان لميني
واستنزفي كل احاسيسي ووجداني
يابنت جيتك وداع الشوق يدعيني
ماهو تطفل لكن الحب سلطاني
لا نامو الناس يابنت السلاطيني
سريت اجر اللحون اشكال والواني
تعداد حزني يقدر بالملاييني
شيءٍ بقلبي صعيب يشيله انساني
صبحية العيد مالقى اللي يسليني
اضحك على شان ابوي وخاطر خواني
يابنت الاجواد بالله لا تخليني
لاهل دمعي وحدر فوق الاوجاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين